Masyado bang bitter?

Masyado bang bitter?

Ni Sem. Alvin Aparentado

Marami nang nagtanong kung saan at kailan

Ang kasaguta’y tila ba walang katiyakan.

Mula sa kalawakan, tila ba nakakabuo ng isang mundong mahirap arukin ng isipan. Maaari ngang payak ang paraan, subalit…

Ako’y isang seminarista na minsang tinawag at hindi tumugon. Mula sa pagkakalagak sa mundo ng maskara ay pinilit hanapin ang daan pabalik sa paghehelong katotohanan at kagalakan mula pa kailaliman.

Oo, Masaya sa loob ng seminary. Subalit may panahong puno ng katanungang kikiliti sa mapaglaro at malikot na isipan. Mga tanong na minsang pundasyon sa dati’y matatag na paniniwala. Kalian ba tama ang tama at mali ang mali? Kailan dapat tanggapin ang aral at pabulaan ang natutunan.

Mula sa naglalagablab na apoy, ngayon ay tila nabuhusan ng tubig upang unti-unting patayin. Napuno ng katanungan; kaakibat ba ng biyayang karunungan ay pag-aasam ng higit pang kapalaluan?

Seminarista ngang maituturing na hinuhulaan ng karanaan, subalit ang pagtawag ba’y tiyak o sariling kagustuhan? Nakakainis, nakakayamot, puso ko’y binabalot ng takot. Takoy na wari ko’y nahirap unawain. Tila ba isang nilalang na bumubuo ng isang mundong mahirap arukin ng isipan.

Sa isang banda, ipikit lamang ang mga mata at matutunan lamang na makinig sa kanya. At ang pakikinig sa kanya, ang papawi sa pag-aagam-agam at nagpapagaan sa nabibigatang kalooban.